Í þættinum Fréttir vikunnar ræddu þau Arnþrúður Karlsdóttir, Pétur Gunnlaugsson og Guðmundur Franklín Jónsson um þróun loftslagsmála á alþjóðavettvangi og hvernig fyrri ákvarðanir íslenskra stjórnvalda hafa mótað stöðu landsins í dag. Katrín Jakobsdóttir fyrrverandi forsætisráðherra hefur verið í lykilhlutverki að koma á óttastjórnun í landinu í þessu skyni og skattgreiðendur látnir greiða milljarða í lítið útskýrða hluti. Nýjasta útspilið sé að hræða fólk með tali um Golfstraumsbreytingar sem sé til þess fallið að skapa nýjan skattstofn fyrir ríkissjóð og stuðla að enn frekari óttastjórnun. Hlusta má á þáttinn í spilaranum hér að neðan.
Katrín ber ábyrgð á skuldbindingum Íslands í loftslagsmálum
Í þættinum var rætt um stefnu Katrínar Jakobsdóttur, fyrrverandi forsætisráðherra, og áhrifum hennar á skuldbindingar Íslands í loftslagsmálum. Bent var á að ákvarðanir sem teknar voru í hennar stjórnartíð hafi fært Ísland nær alþjóðlegri miðstýringu í loftslagsmálum og skapað alvarlegar langtímaafleiðingar sem stjórnvöld þurfa nú að bregðast við. Nýjasta útspil Katrínar sé áróður um golfstrauminn sem engar sannanir liggi fyrir um en vel til þess fallinn að hræða fólk og skapa nýja skattlagningu á þjóðina. Katrín starfar sem sendiherra á vegum WHO og flytur enn einn hræðusluáróðurinn frá þeirri stofnun sem sé að langmestu leyti í eigu hagsmunaaðila. Þessi hræðslu aðferð hafi greinilega komið fram í Covid aðgerðunum á árinu 2020 og til ársins 2023 með alvarlegum afleiðingum.
Katrín Jakobsdóttir beitti sér fyrir alþjóðlegri þátttöku Íslands
Í þættinum var rifjað upp að Katrín Jakobsdóttir hafi beitt sér sérstaklega fyrir aukinni þátttöku Íslands í alþjóðlegum loftslagsverkefnum og fjárhags skuldbindingum. Hún hafi hvatt til nánara samstarfs við Evrópusambandið og Sameinuðu þjóðirnar, tekið þátt í alþjóðlegum samningaviðræðum og samþykkt að Ísland fylgdi markmiðum sem sett voru á vettvangi erlendra stofnana. Með því hafi Ísland verið tengt pólitískt inn í stefnu sem komi erlendis frá og hafi í raun lítið sem ekkert með Ísland að gera.
Ákvörðunin kynnt sem jákvætt skref — Blekking sem leiddi til íþyngjandi skuldbindinga
Fram kom að stefna Katrínar hafi á sínum tíma verið kynnt sem jákvætt skref í átt að ábyrgri loftslagsstefnu og alþjóðlegu samstarfi. Í dag hafi hún hins vegar leitt til þess að Ísland stendur frammi fyrir þrýstingi um að innleiða reglur og fjárframlög sem mótast erlendis, þar á meðal aukna skattheimtu og reglugerðarbindingu vegna loftslagsmarkmiða. Á fjárlögum síðustu ára hafi verið greiddir 140 milljarðar úr ríkissjóði vegna málaflokksins en skattgreiðendur fá litlar upplýsingar hvert þeir fjármunir fara.
Golfstraumsumræða notuð næst til að hræða fólk
Rætt var um að Katrín Jakobsdóttir hafi sjálf vísað til umræðunnar um golfstrauminn í alþjóðlegum ræðum og á loftslagsráðstefnum. Með því hafi hún viljað sýna fram á að Ísland stæði með alþjóðasamfélaginu í viðbrögðum við loftslagsbreytingum. Þessi nálgun hafi styrkt pólitíska ímynd Íslands sem virks þátttakanda en á sama tíma bundið landið við skuldbindingar sem ekki hafi verið ræddar innanlands að neinu viti. Þetta nýjast útspil Katrínar sé líklegt til að vera enn ein blekkingin sem hún hefur komið að og sé nauðsynlegt að Alþingi taki strax á málinu og stöðvi frekari hræðsluáróður.
Loftslagsmál orðin að pólitísku stjórntæki til óttastjórnunar
Í þættinum var fjallað um að loftslagsmálin hafi færst frá því að vera tæknileg og vísindaleg yfir í að verða pólitískt stjórntæki sem ýti undir óttastjórnun. Með tilkomu loftslagssjóða, kolefnisskatta og alþjóðlegra áætlana sé valdið að færast í vaxandi mæli frá þjóðríkjum til fjölþjóðlegra stofnana. Þessi þróun takmarki svigrúm ríkja til sjálfstæðrar ákvarðanatöku í orku-, fjármála- og atvinnumálum.
Skortur á lýðræðislegri umræðu á Íslandi
Bent var á að ýmsar af þeim skuldbindingum sem teknar voru í forsætisráðherratíð Katrínar Jakobsdóttur hafi verið samþykktar án þess að fara í gegnum víðtæka opinbera umræðu. Núverandi stjórnvöld standi frammi fyrir þeirri stöðu að þurfa að fylgja reglum vegna ákvarðana fyrri ríkisstjórnar án þess að þau hafi haft beina aðkomu að mótun stefnunnar.
Hlusta má á ítarlegri umfjöllun í spilaranum hér að neðan