Stjórn fiskeldisjóðs hefur úthlutað 437,2 milljónum króna til sextán verkefna í sjö sveitarfélögum.
Alls bárust 29 umsóknir frá átta sveitarfélögum, samtals að fjárhæð rúmlega 1,5 milljarður króna, sem er meira en þrefalt hærri fjárhæð en var til úthlutunar.
Umsóknarfrestur var til 6. mars og lauk úthlutun 8. apríl. Eftirtalin sextán verkefni hlutu styrk að þessu sinni:
Bolungarvík | 34.469.000 |
Aðkoma, aðstaða og aðgengi að hafnarsvæði | 15.447.000 |
Neysluvatnsholur í Bolungarvík | 19.022.000 |
Fjarðabyggð | 151.840.000 |
Fráveita á Breiðdalsvík, seinni hluti, hreinsivirki | 26.494.000 |
Kaup á slökkvibifreið, Fjarðabyggð | 44.452.000 |
Leikskólinn Dalborg, Eskifirði, innanhúsfrágangur | 40.447.000 |
Lenging Strandabryggju, Fáskrúðsfirði | 40.447.000 |
Ísafjarðarbær | 79.407.000 |
Fráveita á Þingeyri, hreinsivirki | 51.660.000 |
Verknámshús við Menntaskólann á Ísafirði | 27.747.000 |
Múlaþing | 39.646.000 |
Þjónustumiðstöð, hafnarhús og slökkvistöð, Djúpavogi | 39.646.000 |
Strandabyggð | 25.384.000 |
Fráveita í Strandabyggð, uppbygging hreinsistöðva | 25.384.000 |
Súðavíkurhreppur | 17.307.000 |
Mengunarvarnabúnaður fyrir Súðavíkurhöfn | 1.457.000 |
Heitir pottar og aðstaða á Langeyri | 15.850.000 |
Vesturbyggð | 89.147.000 |
Nýbygging leik- og grunnskóla, Bíldudal | 46.454.000 |
Kaup og uppsetning varmadælu við sundlaugina, Patreksfirði | 13.000.000 |
Rannsóknarrými í Verbúðinni, Patreksfirði | 7.175.000 |
Endurnýjun skólalóðar Patreksskóla, Patreksfirði | 22.518.000 |
Samtals kr. | 437.200.000 |
Stjórnin metur það svo að verkefnin sem hljóta styrk að þessu sinni falli öll vel að áherslum sjóðsins og séu til þess fallin að styrkja innviði sveitarfélaga og atvinnulíf á þeim svæðum þar sem fiskeldi í sjókvíum er stundað. Til Vestfjarða runnu 56% styrkja í ár, en 44% til Austurlands.