Það er stanslaust verið að ljúga að fólki um að það þurfi að fara í boostera eða örvunarbólusetningar til þess að veikjast af Covid afbrigðum á meðan sannleikurinn er sá að það eru hinir margbólusettu sem eru í raunverulegri hættu á að veikjast. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum í síðdegisútvarpinu í dag en hann var gestur Arnþrúðar Karlsdóttur.
Guðmundur segir að með hverri örvunarbólusetningu veikist ónæmiskerfið meira með hverri sprautu með þeim afleiðingum að þeir sem hafi látið margsprauta sig séu í mestri hættu á að veikjast illa smitist þeir af einhverju afbrigðinu af Covid.
Þeir sem hins vegar hafa ekki látið bólusetja sig veikist hins vegar ekki eins illa og smitist þeir líkist einkennin mest venjulegri kvefpest.
Hann segir að málið sé einfaldlega það að þær sprautur sem kallaðar séu örvunarsprautur eða boosterar séu aðeins enn ein sprautan af sama efninu en til þess að dylja þá staðreynd þá sé sprautan kölluð örvunarsprauta. Guðmundur segir að þegar gerð var fyrsta tilraun hjál lyfjafyrirtækinu Pfizer þar sem úrtakið hafi verið 44 þúsund einstaklingar hafi helmingur þeirra fengið bóluefnið en hinir lyfleysu þá hafi komið strax í ljós að bóluefnið væri ekki að vernda neinn. Þetta hafi hins vegar virkað þveröfugt því fleiri dóu sem höfðu fengið sprautuna, þessu virðist fólk hafa gleymt segir Guðmundur.
„halda menn að við fáum svo einhverja aðra niðurstöðu með því að slá höfðinu aftur í steininn?“spyr Guðmundur.
Staðreyndin sé sú að það dóu 1200 fleiri af þeim sem fengu sprautuna heldur en af þeim sem fengu hana ekki. Hann segir að engin vísindaleg rök séu að baki þeim fullyrðingum að bólusetningarnar séu árangursríkar, samt sem áður sé endurtekið logið að fólki um að sprauturnar séu að veita einhverja vernd.
Þá liggi það fyrir að þeim sem fái Covid og eru undir sjötugu er lítil sem engin hætta búin vegna Covid og þau rök sem sett séu fram fyrir því að sprauta þá sem eru yfir sjötugt um að þeir smitist frekar af Covid séu ekki alls kostar rétt framsett því fólki yfir sjötugu sé nokkrum prósentum meira hættara við sýkingum af hvaða tagi sem er en ekki einungis Covid, það sé hins vegar ekkert nýtt.
Arnþrúður benti á að þeir sem hafi staðið í framlínunni, þríeykið og fleiri sem voru stöðugt að minna á sóttvarnaaðgerðir og segja fólki að Covid væri bráðsmitandi og svo framvegis séu horfnir af sjónarsviðinu og ekkert heyrðist frá þeim lengur. Guðmundur segir það ekki undarlegt því þeir aðilar viti það núna að það sem þeir voru að boða hafi verið tóm vitleysa og þvæla.
Þegar Arnþrúður spyr hvort þegar miðað sé við þær erlendu upplýsingar sem liggi fyrir sé þjóðin að horfast í augu við að Íslendingar hafi hreinlega verið blekktir segir Guðmundur það vera svo.
„svo er alveg sama hvort um sé að ræða apabóluna eða eitthvað annað þá eru þetta afleiðingar af sprautunum, þetta eru endurtekningar af ristli,úbrotum sem eru einkenni sjálfsofnæmissjúkdóma sem eru ein afleiðingin af því að það er búið að veikja ónæmiskerfið“
