Atli Ingibjargar Gíslason fyrrverandi alþingismaður og hæstaréttarlögmaður segir framgöngu Guðmundar Árnasonar ráðuneytisstjóra bera merki hegðunar rökþrota manns. Atli sem var gestur Arnþrúðar Karlsdóttur í síðdegisútvarpinu í gær segir að af fenginni reynslu kannist hann við hegðun líkt og ráðuneytisstjórinn sýndi af sér með því að hringja í þingmenn og hóta þeim æru og eignamissi “ ég hef áratugareynslu af þessu allt frá því ég byrjaði í lögmennsku 1980 og síðan á þingi, að þegar menn eru rökþrota þá er þetta leiðin, ekki að svara efnislega heldur að fara í manninn, ég hef áratuga reynslu af því að þetta er leiðin og þetta er það sem er svo réttilega gagnrýnt í áttunda kafla Rannsóknarnefndar Alþingis og breyttist svo sem ekkert með nýrri ríkisstjórn að mínu mati„,segir Atli.
