Mikill áhugi erlendra fjárfesta og annara erlendra aðila á að virkja hér bæði vind og vatnsorku er ekki til kominn vegna áhuga þessara aðila að framleiða orku fyrir innanlandsmarkað. Þetta kom fram í máli Ögmundar Jónassonar fyrrverandi innanríkisráðherra í síðdegisútvarpinu í dag en hann var gestur Péturs Gunnlaugssonar.
Ögmundur segir þennan áhuga til kominn vegna fyrirhugaðrar samþykktar þriðja orkupakkans og segir að það liggi í augum uppi hvað menn ætli sér með þessum framkvæmdum
“ þessar vindmyllur og virkjanir eru ekki að fara að framleiða fyrir innanlandsmarkað, það er alveg ljóst því við náum nú þegar að sinna þeirri orkuþörf sem er til staðar í landinu„,segir Ögmundur.
Þá bendir Ögmundur á að ef orkupakkinn verði samþykktur og hingað verði lagður sæstrengur séu komnir hvatar að því að virkja sem mest
“ og svo fylgja þessu auðvitað styrkir frá Evrópusambandinu sem virkar þá sem enn meiri hvati til þess að virkja, þetta hefur mjög slæm áhrif á náttúruna„,segir Ögmundur.
Hlusta má á þáttinn í spilaranum hér að neðan.
