Lögreglan á höfuðborgarsvæðinu og Tollgæslan stóðu fyrir viðamiklum aðgerðum í gær í tengslum við rannsókn á umfangsmiklu fíkniefnamáli. Þrír menn hafa verið úrskurðaðir í gæsluvarðhald, tveir í gærkvöld og einn í dag. Þetta kemur fram í tilkynningu frá lögreglu.
6 handteknir í aðgerðunum
Sex menn voru handteknir í aðgerðunum en þremur þeirra var sleppt skömmu síðar úr haldi lögreglu. Málið varðar innflutning á verulegu magni af sterkum fíkniefnum.
Þá segir í tilkynningu lögreglu að ekki verði veittar frekari upplýsingar um rannsókn málsins að svo stöddu.