Guðmundur Karl Snæbjörnsson sérfræðingur í heimilislækningum var gestur Arnþrúðar Karlsdóttur í síðdegisútvarpinu þar sem rætt var um stórfelldar breytingar á lögum um sóttvarnir, bæði hér á landi og erlendis. Til umræðu voru drög að reglugerð heilbrigðisráðherra um útgáfu vottorða og frumvarp til breytinga á sóttvarnarlögum. Samkvæmt reglugerðinni verður læknum gert skylt að gefa heilbrigðisupplýsingar um sjúklinga til opinberra aðila. „Þar með verður rofið trúnaðarsamband milli læknis og sjúklíngs“ sagði Guðmundur Karl.
WHO fær alræðisvald
Fram kom í þættinum að mörg ákvæði í frumvarpi til sóttvarnalaga og reglugerð heilbrigðisráðherra þjóni þeim tilgangi að Ísland gangist undir alræðisvald WHO. Ríkisstjórn Biden Bandaríkjaforseta stefni að því að veita WHO, alþjóða heilbrigðismálastofnuninni alræðisvald til að fara með yfirstjórn farsóttarmála sem nefnist heimsfaraldurssamningur WHO. Verði slík ákörðun samþykkt á Bandaríkjaþingi þýðir það að WHO fyrirskipar aðildarríkjunum 194 að innleiða „Eitt heilbrigðisyfirvald“. WHO mun fara með alræðisvald til að ákveða hvað sé heimsfaraldur og getur fyrirskipað sprautumeðferðir á fólki svo sem „skyldubólusetningu“ og skerðingu borgararéttinda. WHO fær allsherjarvald til þess að grípa inn í sóttvarnir í 194 aðildarríkjum meðal annars á Íslandi og getur krafist þess að fólk framvísi bólusetningapassa. Einnig kom fram í þættinum að verði þessi áform að veruleika gangi þau gegn íslensku stjórnarskránni ásamt persónuverndarlögum sem og lögum um réttindi lækna og sjúklinga.
Gert ráð fyrir líkamlegri valdbeitingu lögreglu
Guðmundur Karl segir, verði frumvarpið samþykkt sé sóttvarnalæknir í raun gerður óþarfur en hans helsta hlutverk verði að framfylgja þeim ákvörðunum sem WHO tekur hverju sinni eftir geðþóttaákvörðunum erlendra embættismanna. Arnþrúður bendir á að í 33. gr. frumvarps til sóttvarnarlaga sé þess getið að ráðherra sé heimilt að setja reglur í reglugerð um vottorð tengd smitsjúkdómum svo sem vottorð um afstaðna sýkingu eða að einstaklingur sé ekki smitandi. Þannig þurfi fólk að sanna að það sé ekki með smitsjúkdóm og það sé ekki hægt nema til þess að hafa bóluefnapassa. Í 22. gr. frumvarpsins um ákörðun um frelsissviptingu, sé líka gert ráð fyrir að sóttvarnaryfirvöld geti leitað eftir aðstoð lögreglu við að handtaka fólk eftir skipun sóttvarnarlæknis og loka það inni ásamt líkamlegri valdbeitingu. Einnig gera málsmeðferðarreglur ráð fyrir að fólk geti leitað til dómstóla með slík mál en málsmeðferð fyrir dómi fresti ekki framkvæmd stjórvaldsákvörðunar.
Fólk sprautað með framandi efnum
Arnþrúður segir að svona sé þessu lætt inn í sóttvarnarlögin í skjóli þess að ekki nokkur maður hafi áhuga á að lesa þau eða kynna sér málin. Þá séu fleiri alvarleg atriði sem verið sé að koma með, til að binda í lög. Samkvæmt frumvarpinu til sóttvarnarlaga verður leyfilegt með sérstöku inngripi að gata eða gera skurð í húð eða setja áhald eða framandi efni í líkamann og gera rannsókn á líkamsholi. Tekið skal fram að engin skilgreining fylgir frumvarpinu um hvað teljist vera framandi efni og því getur lýsingin átt við t,d bóluefni sem ekki hafa verið prófuð til fulls. Á mannamáli sé hægt að tala um að með þessu sé leyfilegt að sprauta hvaða efni sem er inní mannslíkamann, jafnt börnum sem fullorðnum eftir því sem aðræðisvaldið ákveður.
Guðmundur Karl hugnast ekki að WHO sé gefið slíkt alræðisvald og bendir á að valdið snúi ekki eingöngu að heilbrigðismálim heldur einnig tjáningarfrelsinu því gert er ráð fyrir að WHO fái vald til þess að skilgreina eftir eigin geðþótta hvað teljist vera rangar upplýsingar eða falsupplýsingar. Staðreyndin sé að öll gagnrýni á sóttvarnaraðgerðir verði flokkað undir hatursorðræðu.
Arnþrúður vakti athygli á, að í gær hafi Áslaug Arna nýsköpunar og iðnaðarráðherra ásamt ráðherra háskólamála verið að undirrita styrkveitingu til fjölmiðlanefndar sem á að setja á fót námsskeið þar sem á að greina hvernig eigi að finna falsfréttir.
Guðmundur segist afar hugsi yfir stöðu mála:
„ég spyr hvað er eiginlega í gangi þarna í ríkisstjórinni og á Alþingi sem virðist sofa yfir þessu. Við kusum þetta fólk til ábyrgðar og hvað er það að gera? „spyr Guðmundur.
Aðspurður um hvað læknum finnst almennt um þær breytingar sem fram koma í frumvarpinu t,d um skyldu lækna til þess að afhenda stjórnvöldum heilsufarsupplýsingar segir Guðmundur að þeir læknar sem hann hafi rætt við séu hreinlega forviða því þetta brjóti bæði gagnvart réttindum lækna og sjúklinga.
