Unglist, listahátíð ungs fólks fer fram dagana 4. – 11. nóvember. Hátíðin er nú haldin í 32. sinn og er vettvangur fyrir ungt og upprennandi listafólk á aldrinum 16- 25 ára.
Í tilkynningu segir að á hátíðinni sé afar fjölbreytt dagskrá þar sem unga fólkið fær tækifæri til að láta ljós sitt skína. Skáldskapur og myndsköpun fá að flæða frjálst í takti við tónlistarveislur, óheftan dans og lifandi leiklist.
Dansinn dunar, hljóðfæri eru þanin, leikarar etja kappi í spuna, fyrirsætur spranga um tískupalla og óheft myndsköpun og skáldskapur eiga sinn fasta sess á hátíðinni.
Markmið Unglistar eru:
- Að endurspegla menningu ungs fólks.
- Að veita ungu fólki tækifæri á að koma listsköpun sinni á framfæri.
- Að efla ungt fólk til frumkvæðis og sköpunar, með áherslu á virka og lýðræðislega þátttöku, reynslunám og áhrif á sviði menninga og lista.
- Að skapa ungu fólki vettvang fyrir framkvæmd viðburða frá hugmynd til framkvæmdar.
- Að veita samfélaginu auðveldan aðgang að listsköpun ungs fólk.
Sjá nánar með því að smella hér
