UNICEF er einn af þeim sjóðum sem er undirstofnun Sameinuðu þjóðanna sem látið er að liggja og kynnt sem stofnun sem vinnur að göfungum markmiðum en þegar betur er að gáð reynist vera hryllingur í fallegum umbúðum. Þetta var meðal þess sem fram kom í Menntaspjallinu í dag en þar voru gestir Valgerðar Jónsdóttur, Leifur Árnason flugstjóri, Kristín Þormar bloggari ,Linda Magnúsdóttir sjúkraliði og Linda Grétarsdóttir sjúkraliði og hárgreiðslukona en þær tvær síðastnefndu eru einnig mæður barna sem sækja skóla í Kópavogi.
Í þættinum var meðal annars sagt frá því að nú séu haldin svokölluð UNICEF vika og segja skólarnir að henni sé ætlað að vekja athygli á barnasáttmála Sameinuðu þjóðanna. Í þættinum kom fram fyrir það fyrsta að UNICEF og aðrir sjóðir sem tengdir eru SÞ styðji til dæmis fóstureyðingar með áherslu á þróunarlöndin í því sambandi. Þá styðji UNISEF til að mynda svokallaða mannfjöldastjórnun Mannfjöldasjóðs sem felst í því að hafa einhvers konar hemil á fjölgun mannkynsins og er tengslanet þess notað til þess að styðja við fóstureyðingar, kaupum á lyfjum og tækjum til fóstureyðinga sem og ófrjósemisaðgerðir.
Mannfjöldasjóði neitað um styrki frá Bandaríkjunum
Bent var á Mannfjöldasjóði hefur verið neitað um styrki frá bandarískum yfirvöldum vegna þátttöku sjóðsins í að stýra og stjórna þvinguðum ófrjósemisaðgerðum og fóstureyðingum í Kína. Þetta sé það sem eigi sér stað á bak við tjöldin ef svo megi segja á meðan fallegum umbúðum sé flaggað.
Kynfræðsla í skólum særir blygðunarkennd barna
Þá sé kynfræðslan sem eigi sér stað í grunnskólum enn annar hryllingurinn og sé í raun þess eðlis að verið sé að særa blygðunarkennd barna allt niður í yngstu bekki með afar grófum hætti. Einnig séu börn látin efast um kyn sitt og var í þættinum meðal annars sagt frá níu ára dreng í grunnskóla á Íslandi sem ekki gat sofið á næturna vegna þess að hann átti eftir að láta kennarann vita hvers kyns hann væri.
Hlusta má á ítarlegri umfjöllun í spilaranum hér að neðan
