Stóra loftbelgjamálið í Bandaríkjunum hefur að undanförnu nánast verið eina stóra málið sem rætt hefur verið í stóru erlendu fjölmiðlunum. Því velta margir fyrir sér hvort það hafi ekki einmitt verið tilgangurinn með þessum belgjum og furðuhlutum, jafnvel til þess að draga athyglina frá Nordstream málinu og skjálftunum í Tyrklandi. Látið var í það skína á köflum að mögulega væri um hluti frá öðrum hnöttum að ræða og eins og kunnugt er hefur fyrsti belgurinn verið tengdur við Kínverja og mögulegar njósnir af þeirra hálfu. Í síðdegisútvarpinu í dag ræddi Arnþrúður Karlsdóttir við Leif Árnason flugstjóra um málið og hvernig það mögulega tengist því upplýsingastríði sem verið hefur í gangi að undanförnu og baráttunni um völdin yfir heiminum.
Leifur bendir á að uppljóstranir rannsóknarblaðamannsins Seymor Hersh um að Bandaríkjamenn og Norðmenn hafi sprengt Nordstream leiðsluna hafi verið mjög óþægilegar fyrir Bandaríkin og því hafi loftbelgjamálið komið upp á undarlega heppilegum tíma fyrir bandaríkjastjórn.
„margir hafa reynt að véfengja þessar uppljóstranir en það er nú þannig að það virðist vera hægt að staðfesta þær með einum eða öðrum hætti“
Málið allt sé þó hluti af miklu stærri heildarmynd og tengist baráttunni um yfirráðum yfir heiminum.
Hann segir að þegar það sem átt hefur sér stað í heimnum á undanförnum árum sé tekið saman fái fólk nokkuð skýra mynd á hvað sé að gerast.
Í því sambandi bendir hann á Covid sem hafi komið fram og viðbrögð við því sem voru sprauturnar. Svo komi eyðilegging hagkerfa vegna út af Covid.
„faraldri sem átti sér ekki stað, allavega ekki á Íslandi því ef farið er inn á síðu Hagstofu þá sér maður ekki umframdauða á árinu 2020, né heldur 2021. Tölur fyrir 2022 eru ekki komnar og þar er allt eðlilegt“
Leifur heldur upptalningunni áfram og bendir á 5G sem sé hluti af þessari atburðarás, mikil áhersla sé lögð á 5g væðinguna, svo hafi 14 risafyrirtæki í matvælaiðnaði brunnið til grunna á undarlegan hátt, þá vilji menn útrýma varphænum þar sem að því er látið liggja að þær geti verið með veiru sem gæti smitast í menn. Eggjaframleiðendur hafa komið fram og vakið athygli á að varphænur þeirra hafi skyndilega hætt að verpa og er orsökin rakin til fóðursins.
Þá bendir Leifur á fleiri mál eins og minnkahneykslið í Danmörku sem einkenndist af hreinni lögleysu þar sem þeir voru sagðir bera Covid smit. Einnig sé vitað um lögleysur hér á Íslandi, t,d hafi ekki verið haft neitt samband við vísindasiðanefnd vegna Covid, þingið hafi ekki fengið að sjá samninginn við lyfjarisana að óglymdu því að búið sé að margsprauta einstaklinga með efni sem stjórnvöld hafa enga vitneskju um innihaldið í.
Loftslagstrúboðið er einnig hluti af þessari mynd og fólki talið trú um endalok jarðar breyti það ekki hegðun sinni og lifi eftir ákveðnum reglum sem ákveðnar eru af öflum innan Davos klíkunnar.
Hlusta má á nánari greiningu Leifs í spilaranum hér að neðan
