Með gildistöku farsóttarsáttmála WHO og breytingu á alþjóða heilbrigðisreglugerðinni breytist hlutverk stofnunarinnar úr því að vera ráðgefandi í hlutverki sínu yfir í að fara með lögbindandi boðvald í þeim löndum sem farsóttarsáttmálann samþykkja. Þá getur stofnunin einnig takmarkað mannréttindi og tjáningarfrelsi. Þetta var meðal þess sem fram kom í þætti Arnþrúðar Karlsdóttur í dag en gestur þáttarins voru Guðmundur Karl Snæbjörnsson sérfræðingur í heimilislækningum og Kristín Þormar bloggari.
Í þættinum var rætt um þau áhrif sem samþykkt farsóttarsáttmálans hefur í för með sér en hann færir WHO gríðarlegt vald yfir þeim löndum sem samþykkja sáttmálann.
Brot á stjórnarskránni?
Hvað varðar breytingar á hlutverki WHO úr ráðgefandi hlutverki yfir í lögbundið boðvald segir Guðmundur að um sé að ræða yfirtöku á öllum þjóðréttarlegum ákvörðunum sem Ísland geti tekið, þar á meðal stjórnarskránni og bendir Guðmundur að í stjórnarskránni sé engin heimild til þess að afsala valdi með þessum hætti. Arnþrúður bendir á að einmitt þess vegna haldist málið í raun í hendur við bókun 35.
Villandi orðalag í reglugerðinni
Þá bendir Arnþrúður á að í samþykktinni felist að felld séu út fyrri ákvæði sem kveði á um virðingu mannréttinda, sjálfstæði og frelsis. Kristín segir að þetta sé sett fram í þeim tilgangi að WHO geti tekið réttindi af fólki lýsi stofnunin yfir neyð því þá sé meðal annars hægt að loka fólk inni. Guðmundur bætir við að vegna óljóss orðalags í reglugerðinni geti WHO í raun lýst yfir neyð út af hverju sem er, til dæmis vegna veðurs, Koltvíoxíði í andrúmslofti, fjámálahruni og svo mætti lengi telja. Nú þegar sé verið að setja fram alls kyns flensur í búning faraldra, t,d kattaflensu, apabólu, svínaflensu, fuglaflensu og fleira. Þá fær WHO einnig vald til þess að hafa mikil áhrif á tjáningarfrelsi til dæmis með því að hafa vald yfir því að skilgreina hvað teljist hatursorðræða. Sem dæmi gæti það að efast um ákvarðanir WHO eða stjórnvalda verið talin sem hatursorðræða.
WHO fær alræðisvald á lækningum
Einnig getur WHO gert læknismeðferðir lögboðnar og mun hafa alræðisvald yfir því hvernig læknisskoðanir séu framkvæmdar, hvað verði álitið fyrirbyggjandi, staðfestingu á bólusetningu, smitrakningu, einangrun og viðeigandi meðferð. Þarna sé verið að grípa frammi fyrir hendur á læknum. Að auki verða allar heilbrigðisupplýsingar geymdar í miðlægum gagnagrunni og þannig eru þær til dæmis afhentar stjórnvöldum.
Hlusta má á nánari umfjöllun um WHO í spilaranum hér að neðan
