Creditinfo er forsenda þess að ólögmæt starfsemi smálánafyrirtæki þrífst hérlendis og því er ábyrgð fyrirtækisins mikil. Þetta var meðal þess sem fram kom í máli Breka Karlssonar formanns Neytendasamtakanna sem var gestur Péturs Gunnlaugssonar í síðdegisútvarpinu í dag.
Samökin hafa farið þess á leit við Sýslumanns að lögbann verði lagt á innheimtu fyrirtækisins Almennri innheimtu ehf, sem innheimtir fyrir hönd smálánafyrirtækjanna.
Breki bendir á að ástæður þess að fólk borgi ólögmæt smálán séu þær að fólki séu send hótunarbréf frá Creditinfo þar sem fram kemur að viðkomandi verði settur á vanskilaskrá borgi einstaklingurinn ekki lánið
“ fólki er þannig stillt up við vegg því ef það ekki borgar er það svo skráð á vanskilaskrá og er gert að fjárhagslegum útlögum„,segir Breki.
Aðspurður um hvort Neytendasamtökin ætli að leita til lögreglu á grundvelli ákvæðis hegningarlaga sem snýr að misneytingu segir Breki “ það hefur ekki komið til skoðunar en það kemur til skoðunar hér með„.
Í mars síðastliðnum fjallaði Útvarp Saga ítarlega um starfsemi smálánafyrirtækja, þá sem eru í forsvari fyrir þau og framgöngu þeirra gegn skuldurum en lesa má þá umfjöllun með því að smella hér.
Í vikunni greindi Ragnar Þór Ingólfsson formaður VR í viðtali hér á Útvarpi Sögu að Neytendasamtökin og VR sem séu í samstarfi um að sporna við starfsemi smálánafyrirtækja að félögin ætli í beinar aðgerðir á næstunni sem muni vekja eftirtekt.
Hlusta má á viðtalið við Breka í spilaranum hér að neðan